སློབ་མ། རྒན་ལ་བཀུར་ཞིང་ཀློག་ལ་དགའ། །བསམ་གཞིགས་དྲི་བ་འདོན་མཁས་པ། ། དགེ་རྒན། ལས་འདིར་དགའ་ཞིང་མཉམ་པོར་འབད། །གསར་གཏོད་ལམ་སྟོན་ངང་རྒྱུད་རིང་། ། སློབ་གྲྭ། གཤིས་རྒྱུད་རིང་པོའི་སློབ་རའི་ནང་། །སྤུས་ཀ་ལེགས་པོའི་གསོ་སྐྱོང་མཛེས། །

ལུགས་ཀྱི་བསྟན་བཅོས།

སྤེལ་དུས། 2017-01-25 21:44:34    རྡེབ་ཚད།
མཉམ་སྤྱོད་གནས།
   

 

འདི་དང་ཕྱི་མར་རང་གི་དོན། །
ཤིན་ཏུ་རྒྱ་ཆེར་འགྲུབ་འདོད་ན། །
གཞན་དོན་གཉེར་བ་ཐབས་སུ་བཟང་།།
ཐབས་འདི་རྒྱལ་སྲས་རྣམས་ཀྱིའང་ལམ།།
སྐྱབས་འོས་ཡོན་ཏན་ལྡན་པ་ལ། །
བདེན་པའི་གནས་དང་དེའི་བྱེ་བྲག །
རྒྱུ་འབྲས་མི་བསླུའི་འཇུག་ལྡོག་ལ།།
ཡིད་ཆེས་དད་པ་ཞེས་བྱའོ།།
དད་པ་ཆོས་ཀྱི་རྩ་བ་སྟེ། །
དད་ལས་བསོད་ནམས་ཚོགས་འཕེལ་ཞིང་།།
བསོད་ནམས་ཅན་ལ་ཡ་རབས་ཀྱི། །
སྤྱོད་པ་ཀུན་གྱི་ངང་གིས་གནས།།
དད་པས་རྒུད་པ་ཕྱིར་ལ་འདོར། །
དད་པ་ཡིད་བཞིན་ནོར་བུ་སྟེ། །
ཇི་ལྟར་བསམ་པ་འགྲུབ་བྱེད་པའོ།།
སངས་རྒྱས་ཆོས་དང་དགེ་འདུན་གསུམ།།
ནམ་ཡང་མི་བསླུའི་སྐྱབས་གནས་ཡིན།།
སྐྱབས་དེའི་ཡོན་ཏན་ཚད་མེད་ལ།།
ཡིད་ཆེས་གུས་པ་རྟག་ཏུ་བྱ། །
དཀར་ནག་ལས་ཀྱི་འབྲས་བུ་ནི། །
ནམ་ཡང་ཆུད་མི་ཟ་བར་སྨིན། །
དེ་ཕྱིར་རང་ལ་རང་བརྩེ་ན།།
ལས་འབྲས་བླང་དོར་ཞིབ་ཏུ་བྱ།།
འདི་ནི་ལས་ཀྱི་ས་ཡིན་ལ། །
འདི་ནས་ཕ་རོལ་འབྲས་བུའི་ས། །
དེ་ཕྱིར་རང་དབང་ཡོད་དུས་འདིར།།
དགེ་བའི་ས་བོན་འདེབས་པར་གྱིས།།
སྣ་ཚོགས་སྐྱེ་བོའི་བདེ་སྡུག་ལྟོས།།
འདི་ཡི་རྒྱུ་ནི་ལས་ཡིན་ཞེས།།
བདེན་པར་སྨྲ་བས་ལེགས་གསུངས་ན།།
སུ་ཞིག་ལས་འབྲས་བསམ་མི་བྱེད།།
དཀོན་མཆོག་གསུམ་དང་བདེན་པ་བཞིན། །
ཡིད་ཆེས་པ་ཡི་དད་པ་ནི།།
རྙེད་ན་རྙེད་པའི་མཆོག་ཡིན་ཏེ། །
ཨེ་མ་བཟང་པོའི་བསོད་ནམས་འབྲས།།
བདག་གི་ལོངས་སྤྱོད་འཆང་གྱུར་ཀྱང་།།
དབང་མེད་ཤུལ་དུ་ལུས་ཏེ་འགྲོ།།
དེ་བས་གཏོང་ཕོད་བློ་སྐྱེད་ལ།།
འདི་ཕྱིའི་ཕུན་སུམ་ཚོགས་པ་བསྒྲུབ། །
གཏོང་བ་ཆུང་ཡང་འབྲས་བུ་ཆེ།།
ལོངས་སྤྱོད་ཆེ་ཡང་ཕན་པ་ཆུང་།
སྔོན་ཆད་བྱིན་པས་འདིར་འབྱོར་ཀྱང་།།
འདིར་མ་བྱིན་ན་ཕྱི་མར་དབུལ།།
བསགས་དང་བསྲུང་དང་བརླག་པ་ཡི།།
ནོར་ལ་ཉེས་པ་ཤིན་ཏུ་མང་། །
ས་གཞི་ནོར་གྱིས་གང་ན་ཡང་། །
སྐྱེ་བོའི་འདོད་པ་ངོམ་མི་འགྱུར།།
ཟས་ནོར་གནས་མལ་ཙམ་ཞིག་ལས། །
ལྷག་མ་ཕན་མེད་སྡུག་བསྔལ་རྒྱུ།།
གཏོང་བས་འདི་དང་ཕྱི་མར་ཡང་། །
ནོར་རྣམས་ཆེར་འཕེལ་དབྱར་ཆུ་བཞིན།།
གཏོང་བས་ཚེ་དང་གྲགས་པ་འཕེལ། །
གཏོང་བས་དཔལ་དང་བདེ་བ་འཕེལ།།
གཏོང་བ་འདི་ནི་འཕེལ་བའི་སྒོ།།
ཡིན་ཀྱང་སྐྱེ་བོས་ཟད་པར་དོགས།།
མི་གཏོང་ཤིན་ཏུ་བསགས་པ་ཡི། །
ཞེ་ཕུག་བརྟགས་ན་དུད་འགྲོ་འདྲ།།
གཡོ་ཞིང་སྙིང་པོ་མེད་པ་ཡི། །
ནོར་ལས་སྙིང་པོ་ཅིས་མི་ལེན།།
མ་གཏོང་སྤྱད་པར་མ་བྱས་པའི། །
རྒྱལ་སྲིད་འབྱོར་པ་གཡོ་ལ་ལྟོས།།
ཟན་སྐྱ་ཁམ་གཅིག་གིས་ཉོས་པའི།།
འཁོར་བསྒྱུར་དཔལ་དེ་ཅིས་མ་བསྒྲུབས།།
དེ་ལྟར་བློ་ལྡན་ཟུང་ཐུབ་དེས།།
ཁྲེལ་དང་བག་ཡོད་པའི་ཚུལ་གྱིས།།
དྲང་དང་དམ་བརྟན་གཞི་གཟུང་ནས། །
བྱས་པ་ཤེས་ཤིང་ཕན་པར་བརྩོན།།
དད་དང་གཏོང་བའི་ཤུགས་བསྐྱེད་ན། །
འདི་དང་ཕྱི་མའི་གནས་སྐབས་སུ།།
ཚེ་རིང་བ་དང་ནད་མེད་དང་།
ཡིད་དུ་འོང་དང་འབྱོར་ལྡན་དང་།།
ཀུན་གྱིས་བཀུར་ཤིང་བསྔགས་པ་དང་།
དབུ་འཕང་མཐོ་ཞིང་མངའ་ཐང་རྒྱས།།
མཐའ་བཞི་ལས་རྒྱལ་ལས་ཤུགས་དང་།།
སྟོབས་མཐུ་ནུས་པ་མེ་ལྟར་འབར།།
བདེ་དང་ཡིད་བདེའི་དཔལ་རྣམས་ཀུན།།
རྟག་ཏུ་མདུན་ན་གནས་བཞིན་པར།།
སྙན་གྲགས་ལྷ་ཡི་རྔ་བོ་ཆེ། །
འཇིག་རྟེན་འདི་ན་ཁྱབ་པར་སྒྲོགས།།
དེ་ཕྱིར་ལྷ་དང་དཔལ་རྣམས་ཀུན། །
གང་གི་རྒྱུད་ལ་གནས་འདོད་པས།།
ཀུན་སློང་གིས་བསྐུལ་འདི་ལྟ་བུ།
སྡེབས་སྦྱོར་སྤང་སྟེ་ལེགས་པར་བྲིས།།
བདག་གི་རྒྱལ་དང་རྒྱལ་སྲས་དང་།
དམ་པ་རྣམས་ཀྱི་ལེགས་བཤད་ལ།།
འདྲིས་པས་ལེགས་པ་སྨྲ་བ་ནི།།
བྲག་ཆ་བཞིན་དུ་བརྗོད་ལ་མཁས། །
འོན་ཀྱང་ཐོག་མེད་ངན་གོམས་ཀྱིས།།
བསླད་ཕྱིར་ལེགས་པར་སྤྱོད་པའི་ཆ།།
ཤིན་ཏུ་ཕྲ་ཡང་ལེགས་སྤྱོད་ལ།།
བཟང་པོར་མཐོང་བ་ཙམ་དུ་ཟད། །
དེ་ཕྱིར་སྐྱེ་བོ་ཡ་རབས་ཀྱི།།
སྤྱོད་པ་གང་གིས་སྤྱོད་པ་ལ། །
ཤིན་ཏུ་ཡི་རབ་ཉིད་གྱུར་ཕྱིར།།
གཞན་ཀུན་འདི་འདྲའི་ཚུལ་བཟང་ལ།།
གཞུག་པར་འདོད་པའི་བརྩེ་བ་དང་།།
བློ་ལྡན་གང་གིས་བསྐུལ་བའི་རྒྱུས།།
སྐྱེ་བོའི་ལུགས་ཀྱི་བསྟན་བཅོས་ལས།།
ཅུང་ཟད་བསྡུས་ཏེ་བརྗོད་པ་ལགས། །
འདི་ཡི་དགེ་བས་འགྲོ་ཀུན་ལ།།
བཟང་པོའི་ཡོན་ཏན་རྣམ་པ་བཅུ།
འབད་པ་མེད་པར་ཞུགས་ནས་ཀྱང་།།
ལྷ་དང་དཔལ་གྱིས་བརྒྱན་པར་ཤོག
ཞེས་པ་འདི་ཡང་ཡ་རབས་བཟང་པོའི་ལུགས་ཀྱི་སྲོལ་དྲི་མ་མེད་པ་ལ་དགའ་ཞིང་དང་དུ་ལེན་པར་འདོད་པའི་སྐལ་བ་བཟང་པོའི་ཡོན་ཏན་གྱིས་ཕྱུགས་པ་རྒྱལ་བར་དཀོན་མཆོག་གིས་འདི་འདྲ་བ་ཞིག་བྲིས་ཞེས་བསྐུལ་ངོར་འཇམ་དཔལ་དགྱེས་པའི་རང་མདངས་ཞེས་འབོད་པས་རྫོང་གསར་བཀྲ་ཤིས་ལྷ་རྩེར་བྲིས་པ་མངྒ་ལཾ།།
དགེའོ།།དགེའོ།།དགེའོ།།།།
འདི་དང་ཕྱི་མར་རང་གི་དོན། །
ཤིན་ཏུ་རྒྱ་ཆེར་འགྲུབ་འདོད་ན། །
གཞན་དོན་གཉེར་བ་ཐབས་སུ་བཟང་།།
ཐབས་འདི་རྒྱལ་སྲས་རྣམས་ཀྱིའང་ལམ།།
སྐྱབས་འོས་ཡོན་ཏན་ལྡན་པ་ལ། །
བདེན་པའི་གནས་དང་དེའི་བྱེ་བྲག །
རྒྱུ་འབྲས་མི་བསླུའི་འཇུག་ལྡོག་ལ།།
ཡིད་ཆེས་དད་པ་ཞེས་བྱའོ།།
དད་པ་ཆོས་ཀྱི་རྩ་བ་སྟེ། །
དད་ལས་བསོད་ནམས་ཚོགས་འཕེལ་ཞིང་།།
བསོད་ནམས་ཅན་ལ་ཡ་རབས་ཀྱི། །
སྤྱོད་པ་ཀུན་གྱི་ངང་གིས་གནས།།
དད་པས་རྒུད་པ་ཕྱིར་ལ་འདོར། །
དད་པ་ཡིད་བཞིན་ནོར་བུ་སྟེ། །
ཇི་ལྟར་བསམ་པ་འགྲུབ་བྱེད་པའོ།།
སངས་རྒྱས་ཆོས་དང་དགེ་འདུན་གསུམ།།
ནམ་ཡང་མི་བསླུའི་སྐྱབས་གནས་ཡིན།།
སྐྱབས་དེའི་ཡོན་ཏན་ཚད་མེད་ལ།།
ཡིད་ཆེས་གུས་པ་རྟག་ཏུ་བྱ། །
དཀར་ནག་ལས་ཀྱི་འབྲས་བུ་ནི། །
ནམ་ཡང་ཆུད་མི་ཟ་བར་སྨིན། །
དེ་ཕྱིར་རང་ལ་རང་བརྩེ་ན།།
ལས་འབྲས་བླང་དོར་ཞིབ་ཏུ་བྱ།།
འདི་ནི་ལས་ཀྱི་ས་ཡིན་ལ། །
འདི་ནས་ཕ་རོལ་འབྲས་བུའི་ས། །
དེ་ཕྱིར་རང་དབང་ཡོད་དུས་འདིར།།
དགེ་བའི་ས་བོན་འདེབས་པར་གྱིས།།
སྣ་ཚོགས་སྐྱེ་བོའི་བདེ་སྡུག་ལྟོས།།
འདི་ཡི་རྒྱུ་ནི་ལས་ཡིན་ཞེས།།
བདེན་པར་སྨྲ་བས་ལེགས་གསུངས་ན།།
སུ་ཞིག་ལས་འབྲས་བསམ་མི་བྱེད།།
དཀོན་མཆོག་གསུམ་དང་བདེན་པ་བཞིན། །
ཡིད་ཆེས་པ་ཡི་དད་པ་ནི།།
རྙེད་ན་རྙེད་པའི་མཆོག་ཡིན་ཏེ། །
ཨེ་མ་བཟང་པོའི་བསོད་ནམས་འབྲས།།
བདག་གི་ལོངས་སྤྱོད་འཆང་གྱུར་ཀྱང་།།
དབང་མེད་ཤུལ་དུ་ལུས་ཏེ་འགྲོ།།
དེ་བས་གཏོང་ཕོད་བློ་སྐྱེད་ལ།།
འདི་ཕྱིའི་ཕུན་སུམ་ཚོགས་པ་བསྒྲུབ། །
གཏོང་བ་ཆུང་ཡང་འབྲས་བུ་ཆེ།།
ལོངས་སྤྱོད་ཆེ་ཡང་ཕན་པ་ཆུང་།
སྔོན་ཆད་བྱིན་པས་འདིར་འབྱོར་ཀྱང་།།
འདིར་མ་བྱིན་ན་ཕྱི་མར་དབུལ།།
བསགས་དང་བསྲུང་དང་བརླག་པ་ཡི།།
ནོར་ལ་ཉེས་པ་ཤིན་ཏུ་མང་། །
ས་གཞི་ནོར་གྱིས་གང་ན་ཡང་། །
སྐྱེ་བོའི་འདོད་པ་ངོམ་མི་འགྱུར།།
ཟས་ནོར་གནས་མལ་ཙམ་ཞིག་ལས། །
ལྷག་མ་ཕན་མེད་སྡུག་བསྔལ་རྒྱུ།།
གཏོང་བས་འདི་དང་ཕྱི་མར་ཡང་། །
ནོར་རྣམས་ཆེར་འཕེལ་དབྱར་ཆུ་བཞིན།།
གཏོང་བས་ཚེ་དང་གྲགས་པ་འཕེལ། །
གཏོང་བས་དཔལ་དང་བདེ་བ་འཕེལ།།
གཏོང་བ་འདི་ནི་འཕེལ་བའི་སྒོ།།
ཡིན་ཀྱང་སྐྱེ་བོས་ཟད་པར་དོགས།།
མི་གཏོང་ཤིན་ཏུ་བསགས་པ་ཡི། །
ཞེ་ཕུག་བརྟགས་ན་དུད་འགྲོ་འདྲ།།
གཡོ་ཞིང་སྙིང་པོ་མེད་པ་ཡི། །
ནོར་ལས་སྙིང་པོ་ཅིས་མི་ལེན།།
མ་གཏོང་སྤྱད་པར་མ་བྱས་པའི། །
རྒྱལ་སྲིད་འབྱོར་པ་གཡོ་ལ་ལྟོས།།
ཟན་སྐྱ་ཁམ་གཅིག་གིས་ཉོས་པའི།།
འཁོར་བསྒྱུར་དཔལ་དེ་ཅིས་མ་བསྒྲུབས།།
དེ་ལྟར་བློ་ལྡན་ཟུང་ཐུབ་དེས།།
ཁྲེལ་དང་བག་ཡོད་པའི་ཚུལ་གྱིས།།
དྲང་དང་དམ་བརྟན་གཞི་གཟུང་ནས། །
བྱས་པ་ཤེས་ཤིང་ཕན་པར་བརྩོན།།
དད་དང་གཏོང་བའི་ཤུགས་བསྐྱེད་ན། །
འདི་དང་ཕྱི་མའི་གནས་སྐབས་སུ།།
ཚེ་རིང་བ་དང་ནད་མེད་དང་།
ཡིད་དུ་འོང་དང་འབྱོར་ལྡན་དང་།།
ཀུན་གྱིས་བཀུར་ཤིང་བསྔགས་པ་དང་།
དབུ་འཕང་མཐོ་ཞིང་མངའ་ཐང་རྒྱས།།
མཐའ་བཞི་ལས་རྒྱལ་ལས་ཤུགས་དང་།།
སྟོབས་མཐུ་ནུས་པ་མེ་ལྟར་འབར།།
བདེ་དང་ཡིད་བདེའི་དཔལ་རྣམས་ཀུན།།
རྟག་ཏུ་མདུན་ན་གནས་བཞིན་པར།།
སྙན་གྲགས་ལྷ་ཡི་རྔ་བོ་ཆེ། །
འཇིག་རྟེན་འདི་ན་ཁྱབ་པར་སྒྲོགས།།
དེ་ཕྱིར་ལྷ་དང་དཔལ་རྣམས་ཀུན། །
གང་གི་རྒྱུད་ལ་གནས་འདོད་པས།།
ཀུན་སློང་གིས་བསྐུལ་འདི་ལྟ་བུ།
སྡེབས་སྦྱོར་སྤང་སྟེ་ལེགས་པར་བྲིས།།
བདག་གི་རྒྱལ་དང་རྒྱལ་སྲས་དང་།
དམ་པ་རྣམས་ཀྱི་ལེགས་བཤད་ལ།།
འདྲིས་པས་ལེགས་པ་སྨྲ་བ་ནི།།
བྲག་ཆ་བཞིན་དུ་བརྗོད་ལ་མཁས། །
འོན་ཀྱང་ཐོག་མེད་ངན་གོམས་ཀྱིས།།
བསླད་ཕྱིར་ལེགས་པར་སྤྱོད་པའི་ཆ།།
ཤིན་ཏུ་ཕྲ་ཡང་ལེགས་སྤྱོད་ལ།།
བཟང་པོར་མཐོང་བ་ཙམ་དུ་ཟད། །
དེ་ཕྱིར་སྐྱེ་བོ་ཡ་རབས་ཀྱི།།
སྤྱོད་པ་གང་གིས་སྤྱོད་པ་ལ། །
ཤིན་ཏུ་ཡི་རབ་ཉིད་གྱུར་ཕྱིར།།
གཞན་ཀུན་འདི་འདྲའི་ཚུལ་བཟང་ལ།།
གཞུག་པར་འདོད་པའི་བརྩེ་བ་དང་།།
བློ་ལྡན་གང་གིས་བསྐུལ་བའི་རྒྱུས།།
སྐྱེ་བོའི་ལུགས་ཀྱི་བསྟན་བཅོས་ལས།།
ཅུང་ཟད་བསྡུས་ཏེ་བརྗོད་པ་ལགས། །
འདི་ཡི་དགེ་བས་འགྲོ་ཀུན་ལ།།
བཟང་པོའི་ཡོན་ཏན་རྣམ་པ་བཅུ།
འབད་པ་མེད་པར་ཞུགས་ནས་ཀྱང་།།
ལྷ་དང་དཔལ་གྱིས་བརྒྱན་པར་ཤོག
ཞེས་པ་འདི་ཡང་ཡ་རབས་བཟང་པོའི་ལུགས་ཀྱི་སྲོལ་དྲི་མ་མེད་པ་ལ་དགའ་ཞིང་དང་དུ་ལེན་པར་འདོད་པའི་སྐལ་བ་བཟང་པོའི་ཡོན་ཏན་གྱིས་ཕྱུགས་པ་རྒྱལ་བར་དཀོན་མཆོག་གིས་འདི་འདྲ་བ་ཞིག་བྲིས་ཞེས་བསྐུལ་ངོར་འཇམ་དཔལ་དགྱེས་པའི་རང་མདངས་ཞེས་འབོད་པས་རྫོང་གསར་བཀྲ་ཤིས་ལྷ་རྩེར་བྲིས་པ་མངྒ་ལཾ།།
དགེའོ།།དགེའོ།།དགེའོ།།།།
 
  • 青ICP备16000895号 ངེད་སློབ་གྲྭའི་ལས་དོན་ལ་ཐུགས་ཁུར་གནང་བར་སྐུ་དྲིན་སྙིང་ནས་ཆེ་ཞུ་བ་ལགས།
  • ས་གནས། གཅན་ཚ་རྫོང་རྨ་ཆུ་ལམ་སྒོ་རྟགས་ཨང 82 པ། སྦྲགས་སྲིད། 811299 ཁ་པར། 0973-8732260
  • པར་གཞི་ཇུས་འགོད། མཚོ་སྔོན་གངས་དཀར་ཆ་འཕྲིན་ཚད་ཡོད་ཀུང་ཟི། འབྲེལ་གཏུགས་གནས། QQ:1031500824
  • པར་དབང་ཡོད་ཚད་ངེད་སློབ་གྲྭར་དབང་།